Ordizian gaude, etorri eta elkar ezagutuko dugu!

Ordiziako herrigunea den eta gure logoaren partaide egin dugun Plaza Nagusian aurkituko gaituzu, 10. zenbakian zehazki. Plaza honetan ospatzen da asteazkeneroko azoka tradizionala. 1512an, sute baten ondorioz herria suntsituta geratu ondoren, Juana “La Loca”-k azoka libreki eta zergarik gabe ospatzeko baimena eman zuen, eta ezinbesteko bihurtu da bertako herritar zein bisitarientzat. Hain izan zen merkatuaren hazkundea, ezen 1925ean plaza estaltzeko erabakia hartu zen,gaur egun duen itxura hartuz eta herriko ekitaldi desberdinetarako ospaleku bilakatuz.